Buffoni na shpëtoi

Fitorja e Italisë me rezultat minimal 1-0 ndaj Bullgarisë, sipas përzgjedhësit italian, Cesare Prandelli, është arritur falë performancës së shkëlqyer të portierit Gianluigi Buffon.

“Me performancën e shkëlqyer të Gigit (Buffonit) arritëm ta mbajmë rezultatin në të mirën tonë. Bullgaria në minutat e fundit na sulmoi shumë. Rënia e performancës sonë ishte një gjë që do të mund të parashikohej,” tha trajneri italian për RA/ Sport.

Goli i fitores për italianët u shënua nga Alberto Gilardino në minutën e 38’ të ndeshjes.

Përfaqësuesja nga gadishulli Apenin të martën do ta luajë ndeshjen e radhës kundër Republikës Çeke.