BISEDIMET LAZIO - FENERBAHCE
Caicedo, Bastos + miliona për Muriqin
20 August, 2020 @12:34
Bisedimet ndërmjet Fenerbahçes dhe Lazios lidhur me transferimin e Vedat Muriqit në ekipin romak, kanë ardhur në një fazë tjetër.
Edhe pse transferi i sulmuesit të Kosovës duket punë e kryer, sipas së përditshmes Takvim, Fenerbahçe ka refuzuar ofertën prej 16+3 milionë eurove që të pagohet në këste në tre vitet e ardhshme.
Dhe si kundër-përgjigje kësaj oferte të Lazios i kanë kërkuar dy futbollistët e saj dhe 15 milionë euro, për ta liruar Muriqin.
Felipe Caicedo dhe Jacinto Bastos janë dyshja e lojtarëve që po i kërkon Fenerbahçe si dhe shumën prej 15 milionë eurove për ta liruar kosovarin drejt Romës.
Në anën tjetër, Lazio ka kërkuar afat një-javor për të shqyrtuar një mundësi të tillë të kryerjes së transferit.