Rikthehet kur kanë më së shumti nevojë

Dani Carvajal, lojtari i Real Madridit, kthehet në listën e skuadrës për ndeshjen kundër Cadiz, 66 ditë pasi pësoi lëndimin e tij të fundit (i katërti në sezon), më 14 shkurt kundër Valencia.

Spanjolli rikthehet në kohën kur Zidane ka nevojë më shumë, pas lëndimit të Lucas Vázquez kundër Barcelonës, të cilin ai e kishte përdorur si një mbrojtës i djathtë për pjesën më të madhe të sezonit.

Zizou ka treguar mungesën e besimit te Odriozola, zëvendësuesi i Carvajal në skuadër.
Së pari ai përdori Lucas përpara tij dhe pas lëndimit të tij ai vendosi për Fede Valverde në Anfield. Odriozola kishte shansin e tij në barazimin (0:0) kundër Getafe, ku ishte një nga më të dobëtit e skuadrës.

Prandaj, Carvajal do të jetë një pjesë kryesore në fund të sezonit në të cilën ai vështirë se ka marrë pjesë : vetëm 12 ndeshje të luajtura. 31 ndeshje të humbura për shkak të lëndimit (69% të totalit).

Ndeshja në mes Real Madrid dhe Cadiz zhvillohet sot në orën 22:00.