Catania dhe Cagliari, largojnë trajnerët

Catania dhe Cagliari kanë shkarkuar trajnerët e tyre për shkak të disfatave të fundit në Serie A, nga Torino dhe Roma, përkatësisht. 

Catania, që stinorin e kaluar arriti të barazojë klasifikimin më të mirë në histori të saj në Serie A - duke e përfunduar stinorin 2012/13 në vendin e tetë dhe për pak nuk e arritën Europa League, këtë stinor me gjasë nuk do të mbijetojë. 

Kështu drejtuesit e klubit menjëherë pas disfatës nga Torino dje, kanë shkarkuar trajnerin Rolando Maran - për herë të dytë këtë stinor! 

Maran ia nisi stinorit me Catanian, u zëvendësua në mes të stinorit nga Luigi De Canio, që u shkarkua në janar dhe përsëri u zëvendësua nga Maran. 

Drejtuesit e klubit kanë paralajmëruar Maurizio Pellegrinon si zëvendësues për xhirot e mbetura në Serie A. 

Sikurse Catania, edhe Cagliari ka reaguar menjëherë duke e larguar trajnerin Diego Lopez pas disfatës nga Roma 1-3. Ekipi nga ishulli i Sardenjës ka mbetur të emërojë zëvendësuesin e Lopezit, derisa është në luftë për mbijetesë gjithashtu.