Cech do t’i sjellë Arsenalit 15 pikë më shumë

John Terry, kapiten i Chelseat dhe bashkëlojtar i Petr Cechut për vite me radhë, ka shprehur zhgënjimin e tij me largimin e portierit veteran. 

“Më vjen keq që ai po largohet. Mirëpo, ai dëshiron të luaj ende dhe nuk e do bankën rezervë,” ka thënë fillimisht Terry. 

“Nëse Arsenali e merr Cechun, ai do t’i përforcojë ata me siguri. Cech do të mund t’ia shpëtojë Arsenalit 12 deri në 15 pikë në stinor,” ka thënë ndër të tjera kapiteni i Chelseat njofton Eurosport sot. 

Cech është në bisedime me Arsenalin për një kalim të mundshëm në Emirates, mirëpo duket se problemi po qëndron te dëmshpërblimi i lojtarit për të cilin Chelsea po kërkon më shumë sesa që po ofron ekipi i drejtuar nga Arsene Wenger.