KROACI
Çekiçi i shënon Dinamos
13 March, 2016 @18:33
Futbollisti i kombëtares së shpresave të Shqipërisë, Endri Çekiçi, ka shënuar golin e tij të parë në kampionatin kroat.
Ai në ndeshjen e sotme ndaj gjigantit Dinamo Zagreb, ka qenë për herë të parë titullar për skuadrën e tij, Lokomotiva Zagreb, ndërsa besimin e trajnerit të tij e ka arsyetuar në minutën 53’ me golin e tij nga goditja e lirë.
Megjithatë goli i tij nuk siguroi ndonjë pikë për Lokomotivën, pasi Dinamo e fitoi takimin me rezultat 3-2.
Çekiçi ishte huazuar te Lokomotiva pikërisht nga Dinamo e Zagrebit në janar të këtij viti.
Për Lokomotivën nga minuta e parë u paraqit edhe futbollisti tjetër shqiptar, Herdi Prenga, derisa Eros Grezda nuk luajti fare.
Endri Cekici realizon golin e parë për NK Lokomotiva Zagrebin duke i shënuar ish skuadrës së tij, GNK Dinamo Zagreb, nga goditja e lirë
Posted by Borozani.com on Sunday, 13 March 2016
