Eliminohet Arsenali, Behrami në Wembley

​Pak ditë para ndeshjes me Barcelonën në Camp Nou, Arsenali është eliminuar nga çerekfinalet e FA Cup. Përkundër faktit që Wengeri hyri me një skuadër të fortë në fushë, Watfordi arriti të shënonte dy herë në pjesën e dytë dhe kështu e arriti kualifikimin për në gjysmëfinalet e Wembleyt. 

Arsenali pati shumë raste për shënim, por goli erdhi në minutën e 88’ nga Danny Welbeck dhe kjo nuk mjaftoi që festa e Watfordit në Emirates të ndalej.

Për 90 minuta në këtë ndeshje u paraqit edhe Valon Behrami, i cili pati një paraqitje shumë të mirë.

Tashmë Watfordi i bashkangjitet Crystal Palacet e Evertonit në gjysmëfinalet e Wembleyt, kurse skuadra e katërt gjysmëfinaliste do të përcaktohet nga ndeshja Manchester United vs. West Ham. Shorti për ndeshjet gjysmëfinale mbahet nesër me fillim nga ora 20:15.