Celina, dy gola kundër Bayernit

Reprezentuesi i përfaqësueses së Kosovës, Bersant Celina, ka vazhduar shkëlqimin e tij me skuadrën e të rinjëve të Manchester Cityt.

Ai në ndeshjen e sotme të Ligës së Kampionëve për të rinj, kundër ekipit U19 të Bayern Munchenit, ka shënuar dy gola duke u bërë më meritori në fitoren me rezultat të thellë 6-0 të skuadrës së tij.

Kjo ishte fitorja e pestë në po aq ndeshje e ekipit U19 të Manchester Cityt në këtë kompeticion, duke e siguruar në këtë mënyrë kualifikimin në fazën e dytë nga pozita e parë në tabelë.