Ideal për Liverpoolin

Rezultatet e dobëta të Liverpoolit këtë stinor, përkundër investimeve milionëshe po vënë në pikëpyetje qëndrimin e Brendan Rodgersit. 

Trajneri veriirlandez i Liverpoolit, përkundër se riktheu krenarinë te Anfield Road, kur stinorin e kaluar luftoi deri në fund për titullin kampion, këtë stinor është duke vuajtur. 

Mundësia

Nga përfoljet e shumta në shtypin britanik, Daily Express, ka shkruar se gjermani Jurgen Klopp mund të bëhet shpejtë zëvendësues i Rodgersit. 

Vetë Rodgers kishte thënë se nuk e kishte të sigurtë më postin e trajnerit, duke hapur mundësi për spekulime të ndryshme të cilën si duket e ka shfrytëzuar më së miri Daily Express, duke ditur edhe situatën e Borussia Dortmundit me Jurgen Kloppin në krye. Pak freski për Dortmundin dhe Liverpoolin, do të ishte mirë. 

Me rezultatin e djeshëm, Liverpool ka nisur kampanjën më të keqe që nga viti 1992.