SELHURST PARK
Rikthim senzacional i Crystal Palace ndaj Liverpool
23 November, 2014 @16:24
Derisa në stinorin e kaluar Liverpool udhëhiqte 0-3 në Selhurst Park pak kush besonte se Crystal Palace do të mund të arrinte diçka.
Por ata në fund barazuan në 3-3 për të siguruar një pikë. E kësaj radhe, ata avancimin e shpejtë të Liverpoolit përmes Ricky Lambertit 0-1, e përmbysën me fitore 3-1 në fund.
Gjithçka dukej bukur për Brendan Rodgersin kur Lambert shënoi golin e parë të stinorit në Premier League në minutën e dytë të takimit.
Mirëpo, ekipi i Neil Warnock kishte përgatitur befasinë për 10 minutat e fundit të takimit, kur pas barazimit në pjesë të parë, arritën të fitojnë tre pikë për të thelluar krizën e të Kuqve nga Anfield Road.
Me këtë fitore Crystal Palace ka dalë nga zona e rrezikshme e tabelës ku gjindej deri sot, e Liverpooli mbetet te pozita e 12-të me 14 pikë në total.
