Čačić: Kosova ka krijuar më shumë sesa çdo kundërshtar tjetër

Selektori i Kroacisë, Ante Čačić, në konferencën për shtyp para ndeshjes së 2 shtatorit ndaj Kosovës ka theksuar se Kosova ka krijuar më shumë raste ndaj Kroacisë sesa të gjithë kundërshtarët tjerë në Grupin I kualifikues deri më tani.

Ai nuk e merr ndeshjen ndaj Kosovës si punë të kryer, pasi që, siç ka thënë ai, Kosova ka lojtarë të shpejtë ndërsa tash futbollistët e Kosovës janë edhe më kompakt me njëri-tjetrin.

TABELA AKTUALE

“Rezultati në Shkodër ka qenë shumë i lartë në favorin tonë, mirëpo kjo punë në terren nuk ka qenë fare ashtu siç shihet në rezultat. Mos harroni, Kosova ka krijuar më shumë raste ndaj Kroacisë sesa të gjithë kundërshtarët tjerë në 5 ndeshjet tjera të zhvilluara. Kosova tash është më e mirë, më kompakte, lojtarët njohin edhe më mirë njëri-tjetrin si dhe ata luajnë më mirë jashtë fushës së tyre,” ka thënë Čačić.

“Ne duhet të jemi maksimalisht të koncentruar që mos të na befasojnë. I afrohem kësaj ndeshjeje si ndeshje për kupë, s’ka kthim mbrapa, fiton ose eliminohesh. Edhe mos të harroj, do t’ua kthejmë kosovarëve mikpritjen e madhe që na kanë bërë,” ka shtuar ndër të tjera selektori i Kroacis, Ante Čačić, në konferencë.

Kroacia - Kosova zhvillohet nesër prej orës 20e45.