Challandes: Nëse do të thoja s’po luajmë për fitore, do ta ndërroja profesionin

Përzgjedhësi i përfaqësueses së Kosovës Bernard Challandes ka mbajtur konferencën për shtyp një ditë para ndeshjes me Anglinë.

Kosova dhe Anglia janë ekipet e vetme të pamposhtura në Grupin A, ndërsa nesër mbrëma në St Mary’s të Southamptonit, anglezët favorit absolut presin Kosovën, që mund të befasojë.

TABELA AKTUALE dhe ORARI I NDESHJEVE

“Ne jemi Kosova dhe po luajmë ndaj njërit ndër ekipeve më të mira në botë. Për mua, është më e mira. E kam parë ndeshjen e fundit të Anglisë dhe lirisht mund të them që është tepër vështirë për ne,” ka thënë Challandes.

Mirëpo, sa i përket frikës nga Anglia, zvicerani ka dhënë përgjigje ndryshe.

TABELA AKTUALE dhe ORARI I NDESHJEVE

“I frikësuar?! Kjo nuk është fjalë e duhur. Duhet të jemi realist. Jemi grup më i vogël e ata dhe këtu duhet ta respektojmë Anglinë. Por, nëse them se nuk luaj për fitore, do ta ndërroja profesionin,” ka shtuar ai.