Kosova U21 me shumë raste, por pëson humbjen e parë

Përfaqësuesja e Kosovës U21 ka pasur shumë raste për të shënuar, por nuk ka arritur, dhe golat e shënuar nga futbollisti i Manchester Cityt, Phil Foden në minutën e 25-të dhe atë të fundit të takimit kanë vendosur ndeshjen 2-0.

Anglia U21 mposhti Kosovën U21 të drejtuar nga Rafet Prekazi, për t’ia shkaktuar kështu humbjen e parë shpresave të Kosovës në Grupin 3 kualifikues për EURO 2021.

Florian Smakiqi në anën tjetër është treguar vendimtar. Portieri i Feronikelit ka mbrojtur tepër mirë sonte dhe ka ndalë anglezët, të cilët të frustruar që nuk e ‘mbytën’ ndeshjen, kanë duruar në pasiguri deri në minutën e fundit të takimit, kur i rehatoi Foden.

Në fund, Anglia U21 me 2-0 shënoi fitoren e dytë në grup dhe ka marrë lidershipin në saje të golaverazhit.