HUDDERSFIELD - CHELSEA
Chelsea e nis sigurt
11 August, 2018 @17:57
Tre gola mjaftuan për tri pikë për Chelsean në udhëtim kundër Huddersfield Town.
N’Golo Kante hapi serinë e golave në minutën e 34të pas një harkimi të Willian. I ardhuri nga Napoli, Jorginho, konvertoi lehtazi penalltinë e shkaktuar pas ndërhyrjes në Marcos Alonson në fund të pjesë së parë. Dhjetë minuta para fundit, Pedro vulosi rezultatin përfundimtar pas asistimit të Hazard i cili ishte inkuadruar katër minuta më herët.
Në ndeshjet tjera të pasdites në Premier League, Bournemouth dhe Watford fituan si vendas me rezultat 2-0 ndaj Cardiff Cityt dhe Brightonit. I njëjti rezultat i solli tre pikë edhe për Crystal Palace, por në udhëtim në ‘Craven Cottage’ kundër Fulhamit.
