BOOM BOOM
Chelsea lider
18 August, 2014 @23:02
Chelsea ka mbyllur xhiron e parë të Premier League me fitore, për të përfunduar lider i Anglisë. Sulmuesi i ardhur nga Atletico Madrid, Diego Costa, ka debutuar me gol, derisa mesfushori i ardhur nga Barcelona, Cesc Fabregas është dalluar me lojë dhe ka regjistruar dy asistime në fitoren e ekipit të Jose Mourinhos prej 1-3, ndaj ekipit të ardhur sivjet në Premiership, Burnley.
Në fakt, Burnley, morri i pari epërsinë e ndeshjes kur Scott Arfield çoi në delirium mbi 20 mijë të pranishëm në Turf Moor.
Por, kjo zgjati shumë pak për vendasit, pasi që Diego Costa dhe Andre Schurrle brenda tre minutave përmbysën epërsinë e vendasve, derisa serbi, Branislav Ivanovic, goditi për të përcaktuar rezultatin përfundimtar të ndeshjes, që në minutën e 35-të të ndeshjes.
Me këtë fitore, Chelsea, ka përfunduar si i pari në tabelë, pas të gjitha ndeshjeve të xhiros së parë, ndërsa me lojën e treguar ka vërtetuar fjalët e Mourinhos se do të nis periudha e dominimit të të kaltërve të Londrës në Angli.
REZULTATET, TABELA DHE NDESHJET E RADHËS
FAKT:
| Chelsea nuk ka humbur në ndeshjen hapëse të stinorit në Premier League që nga stinori 1998-99, duke fituar 14 nga 16 ndeshje; |
