Chelsea merr lidershipin

Jose Mourinho dhe Chelsea i janë kthyer fitores. Të kaltrit e Londrës sot kanë arritur të shënojnë fitore ndaj Fulhamit në derbin e qytetit me golat e shënuar në pjesën e dytë nga Oscar dhe Obi Mikel. 

Pjesa e parë e ndeshjes përfundoi pa gola, derisa për ekipin nga Craven Cottage nga minuta e parë luajti edhe Pajtim Kasami. 

Ekipi i Mourinhos ka arritur t’i kthehet fitores dhe të merr lidershipin në Angli me fitoren e sotme, pas barazimit të Liverpoolit. Chelsea tash ka dhjetë pikë dhe gjindet në krye të tabelës përkohësisht derisa të zhvillohen të gjitha ndeshjet e kësaj xhiroje. 

Samuel Eto’o ia nisi në sulmin e Chelseat, por u ndërrua nga Mourinho në minutën e 64-të për t’u zëvendësuar nga transferi më i shtrenjtë i futbollit anglez, Fernando Torres. 

Rezultatet dhe tabela aktuale.