Chiellini motivon shokët

Qendërmbrojtësi italian, Giorgio Chiellini, ka pranuar se posa u rrëzua në stërvitje nga dhimbja e ka ditur se do të mungojë në finale. 

“E kuptova menjëherë. Edhepse dëshiroja të isha gabim, kjo nuk qe e mundur,” ka shkruar Chiellini në llogarinë e tij personale në Twitter. 

“Finalja e Ligës së Kampionëve ka qenë ëndërr e imja që nga fëmijëria, por ndonjëherë fati është i çuditshëm,” ka shtuar ai. 

Sidoqoftë, ai ka thënë se Juventusi është ekip që përbëhet nga lojtarë të mëdhenjë dhe se ata do të luftojnë deri në atomin e fundit të tyre në fushë për të arritur trofeun e Ligës së Kampionëve. 

Finalja Juventus-Barcelona luhet nesër mbrëma me fillim prej orës 20:45 në Berlin të Gjermanisë.