Cityt i prishet rekordi, por kualifikohet

Në ndeshjen që u luajt vetëm për statistika, pasi që skuadra e kualifikuar veçse dihej, Baseli e mpohti Cityn 1-2, për t’ia prishur kësaj skuadreje rekordin perfekt të ndeshjeve në shtëpi. Pas 36 ndeshjeve radhazi pa humbje në shtëpi në të gjitha garat, sonte City i Guardiolës e pësoi humbjen e parë, por fatmirësisht kjo nuk luajti rol në kalimin tutje në çerekfinale.

Gabriel Jesus shënoi herët për vendasit, ndërsa zvicranët fillimisht barazuan përmes Elyounoussit, për të shkuar në pushim me rezultat të barabartë.

SKEMA DREJT FINALES

Në pjesën e dytë mysafirët e gjetën edhe golin e dytë, për ta fituar ndeshjen me rezultat 1-2, mirëpo humbja e thellë 0-4 në shtëpi iu pamundëson atyre kalimin në çerekfinale.

Në bankën rezervë të Baselit sonte ishte edhe Albian Ajeti, mirëpo ai nuk u paraqit për asnjë minutë.

Kështu, City në çerekfinale i bashkangjitet Realit, Liverpoolit dhe Juventusit, ndërsa 4 çerekfinalistët e tjerë do të kuptohen javën e ardhshme.