1/4: GJILANI - VUSHTRRIA
Eliminon Gjilanin, Vushtrria në gjysmëfinale
7 March, 2018 @14:55
Pas Drenicës dhe Vëllaznimit, gjysmëfinalen e Kupës së Kosovës tashmë e ka siguruar edhe Vushtrria.
Për shkak të fushës së papërshtatshme për lojë në Gjilan falë motit të keq dhe faktit që Drita luajti në atë terren 24 orë më parë, ndeshja e sotme mes Gjilanit e Vushtrrisë u zhvillua në stadiumin me bar sintetik në Ferizaj, stadium i cili doli të ishte me fat për skuadrën e Vushtrrisë.
Hero i ndeshjes për vushtrriasit ishte Jetmir Topalli, i cili shënoi pas asistimit nga Daut Maxhuni në minutën e 36’ të ndeshjes, ndërsa ky gol doli të ishte i vetmi i takimit dhe Vushtrria e fitoi duelin me rezultat 0-1, për të kaluar kështu në gjysmëfinale të Kupës së Kosovës.
Në minutën e 2’ të kohës shtesë, Betim Haxhimusa i vendasve u ndëshkua me karton të kuq për shkak të protestave, mirëpo kjo nuk ndikoi në epilogun final të ndeshjes.
Kundërshtarin e gjysmëfinales Vushtrria do ta kuptojë pas shortit, ndërsa siç dihet gjysmëfinalet e Kupës së Kosovës zhvillohen sipas sistemit vajtje-ardhje.
