Çka fiton Man Utd me Schweinin?

Manchester United është shumë afër zyrtarizimit të lojtarit të Bayern Munchenit, Bastian Schweinsteiger, që duhet të kalojë vetëm edhe testet mjekësore për tu bërë pjesë e ekipit nga Old Trafford. 

Schweinsteiger, që ka punuar në Bayern nën urdhërat e Louis Van Gaalit dikur, tashmë pritet t’i bashkohet ish trajnerit të tij. 

Afër zyrtarizimit

Lajmi për largimin e tij u konfirmuar edhe nga Karl Heinz Rummennige, zyrtar i lartë i Bayernit, që tha se Schweini i ka kërkuar leje për një provë të re në karrierë. 

Por çka do të përfitojë Manchester United me transferimin e tij? 

Vetëm kalimi i Schweinit te Manchester United do të jetë një fitore e Van Gaalit ndaj mediave, duke thënë se ka arritur të bind një lojtar që ka 17 vjet karrierë në ekipin bavarez. 

Trofetë

Pastaj, lojtari në fjalë është fitues i lindur. Tetë tituj të Bundesligës, 7 Kupa gjermane, 1 Ligë të Kampionëve dhe 1 Kupë të Botës. 

Ai ka qenë lojtar i vitit në Gjermani në vitin 2013. 

Ai mund të mos jetë në formën e tij më të mirë, por mentaliteti i tij fitues dhe përvoja e madhe sot i duhen më shumë Manchesterit sesa diçka tjetër. 

Adaptimi

Sa i përket asaj se sa është e vështirë të adaptohet në Premier League, kjo është në çështje tjetër. 

Schweini 30 vjeç duhet të punojë mjaft aty për tu treguar ngase shembujt e kalimeve të mëdha nga Bundesliga në Premier League në të kaluarën e afërt ka qenë përforcim i qëlluar shumë, ose fare - mes nuk ka.

Shembull për këtë janë Michael Ballack dhe Vincent Kompany, ose për rastin e kundërt Claudio Pizarro e Andriy Voronin.