Çon Parisin në finale

Mjeshtri Zlatan Ibrahimovic ka shënuar kur i është nevojitur ekipit të tij për ta dërguar atë në finale të Kupës së Ligës së Francës. 

Suedezi ka hapur perden e golave në gjysmëfinalen e sontme duke shënuar i pari në ndeshje, por është përkujdesur që edhe të thotë fjalën e fundit duke shënuar në minutën e fundit për të dërguar ekipin e Laurent Blanc në finale. 

Nantes, që shpresoi shumë për finale të kësaj gare, përkundër se barazoi në minutën e 81-të të ndeshjes nëpërmjet Olivier Veigneau, thjeshtë nuk arriti t’i bëj ballë super suedezit që me goditje me të parën shënoi për 0-1 dhe me kokë precize për 1-2 në fund për të përmbyllur dilemën e fituesit. 

Paris St Germain në finale të Kupës së Ligës pret fituesin e ndeshjes së nesërme, Olympique Lyon - Troyes.