Conte në bisedime të avancuara për stolin e Tottenham-it

Sipas Goal Italy, fituesi i Serie A-së me Interin, Antonio Conte është afër të nënshkruajë me Tottenhamin.

Italiani u largua nga Interi pasi fitoj titullin e Serie A-së dhe pritet ta vazhdojë karrierën e tij në Angli. Conten pritet ta ndjekë edhe ish-drejtori sportiv i Juventusit, Fabio Paratici, i cili gjithashtu pritet t’i bashkohet Spursave.

Çështja më delikate nëse Conte do ta udhëheqë Tottenhamin mbetet Harry Kane. Anglezi tashmë ka shprehur dëshirën për tu larguar, dhe Contes do të duhet të mundohet mjaft në rast se dëshiron ta ketë një ndër sulmuesit më të mirë në botë nën urdhërat e tij.