Costa hesht San Siron

Braziliani Diego Costa ka treguar edhe njëherë aftësitë e tij. Ai është treguar vendimtar në ndeshjen të cilën Atletico Madrid e fitoi në San Siro ndaj Milanit, që dështoi në disa raste të mira në pjesë të parë për të shënuar. 

Ka qenë një goditje nga këndi në minutën e 83-të të takimit që ka gjetur në afëri të portës rossonere Diego Costan, e ku ky i fundit nuk e kishte aspak vështirë të shënonte nga afërsia për fitoren e ekipit të udhëhequr nga Diego Simeone. 

Milan ia nisi me Mario Balotellin në sulm, derisa në 12 minutëshin e fundit provoi me Gianpaolo Pazzinin - por më kot. Kërkesa për një qendërmbrojtës të nivelit botëror nga i shkarkuari Massimiliano Allegri - prej dy vitesh - ka mbetur ende e parealizuar nga drejtuesit e Milanit dhe kjo është treguar edhe sonte fatale për rossonerët të cilët pikërisht nga topi i vdekur (vërejtja më e madhe e Allegrit) kanë pësuar. 

Milan tani duhet të fitojë me dy gola epërsi në Vicente Calderon në ndeshjen e kthimit për të siguruar çerekfinalen. E deri atëherë Clarence Seedorf, mbetet të bëj strategjinë më të mirë të mundshme me brumin që ka.