BAY ARENA
PSG i bën farmaceutët për aspirin
18 February, 2014 @22:57
Ekipi i miliardave nga Parisi, Paris St Germain, i ka bërë ‘farmaceutët’ e Bayerit për ‘aspirin’ sonte në Bay Arena të Leverkusenit.
Ekipi i Laurent Blanc ka qenë i pakapshëm për gjermanët, të cilët shpejtë ranë në disavantazh pas golit të mefsushorit Blaise Matuidi, derisa super sulmuesi i parisienëve, Zlatan Ibrahimovic, me dy gola tjerë konfirmoi raundin tjetër për Paris St Germain.
Për më tepër shterpësisë së Bayer Leverkusenit, iu përgjigj transferi i fundit i të kaltërve nga kryeqyteti françez, Yohan Cabaye, që shënoi në minutat e fundit të takimit për rezultatin përfundimtar të ndeshjes 0-4.
Ndeshja e kthimit që do të luhet në Parc des Princes të Parisit, pritet të jetë një shëtitje e bukur dhe e fundit për këtë stinor për gjermanët e Bayer Leverkusenit, derisa rikthimi i tyre shihet si i pamundur.
Aspirinët nga minuta e 60-të e ndeshjes luajtën me 10 futbollistë në fushë pasi që mbrojtësi boshnjak Emir Spahic u ndëshkua me kartonin e dytë të verdhë.
Video
Bayer - PSG
Goli i Yohan Cabaye 0-4
Bayer - PSG
Goli i Zlatan Ibrahimoivic 0-3
Bayer - PSG
Goli i Zlatan Ibrahimovic 0-2
Bayer - PSG
Goli i Blaise Matuidi 0-1
