ETIHAD
Triumfojnë në Etihad
18 February, 2014 @22:42
Një pasim i Neymarit të cilën nuk arriti ta ndalë zëvendësuesi Jo Leon Lescott gjeti mbrojtësin e krahut Daniel Alves që duke i futur topin nëpër këmbë të Joe Hart vulosi fatin e takimit të zhvilluar në Etihad sonte, ku Barcelona mposhti Manchester Cityn 2-0.
Derisa pjesa më e madhe e ndeshjes kaloi në dominim të Barcelonës, te Manchester City loja brilante e kapitenit Vincent Kompany dhe Yaya Touresë nuk kishte çka të bëj kur Martin Demichelis ndali në mënyrë të palejuar Lionel Messin - të cilën gjyqtari e vlerësoi si penallti dhe e ndëshkoi me karton të kuq mbrojtësin argjentinas të anglezëve.
Messi shënoi penalltinë, dërgoi Barcelonën në epërsi 1-0 derisa trajneri kilian i Cityt, Manuel Pellegrini reagoi duke bërë dy zënvedësime që në fund dolën të mos sjellin rezultat.
Kështu, ndeshja e cilësuar si më interesantja e së tetës së finales së Ligës së Kampionëve përfundoi në favor të Barcelonës e Messi me kompani do të presin më 12 mars ndeshjen e kthimit në Camp Nou për të parë çerekfinalistin e Ligës së Kampionëve.
Video
Man City - Barcelona 0-2
Golat e ndeshjes
