Courtois heroi i Real Madridit

Një gol i pësuar në katër ndeshjet e fundit dhe një numër madh i pritjeve kundër Valladolid. Real Madrid jo vetëm që ka fituar katër ndeshjet e fundit, por në tre prej tyre ka arritur ta mbajë edhe portën e paprekur.

Goli i fundit i pësuar ishte ajo goditja e shkëlqyeshme e Javi Galán në duelin kundër Huesca më 6 shkurt. Vetëm me një goditje të pandalshme sikurse ishte ajo e Galán, duket se është mënyra e vetme për të kapërcyer portierin Thibaut Courtois.

Të shtunë në mbrëmje Valladolid u përpoq në të gjitha mënyrat e mundshme të shënojë, por nuk arriti ta mposhtë belgun që kaloi një natë tjetër perfekte.

Pritjet e tij u shpërblyen sepse falë tyre Madridi ishte në gjendje të shpëtonte veten dhe t’i afrohej liderit aktual Atleticos në vetëm tri pikë, por me një ndeshje më shumë.

Courtois po kalon një sezon të shkëlqyer, duke mbajtur të paprekur portën e tij 11 herë, aq sa ka edhe portieri Jan Oblak i ekipit tjetër nga qyteti i Madridit.