ISH GOLASHËNUESI
Këtë stinor nis karrierën e trajnerit profesionist, Hernan Crespo
Crespo trajner në Serie B
30 June, 2015 @20:42
Ish ylli i futbollit, argjentinasi Hernan Crespo, është emëruar trajner i ri i Modenas në Serie B.
Ai ka nënshkruar kontratë një vjeçare me opcion renovimi për dy stinorë tjerë, ka bërë të ditur faqja zyrtare e Modenës sonte.
Modena stinorin e kaluar mbijetoi në Serie B përmes ndeshjeve të Play-Outit dhe me Crespon 39 vjeç tenton të këndell ekipin.
Crespo në karrierën e tij futbollistike ka luajtur për River Plate, Parma, Lazio, Inter, Chelsea, Genoa dhe ka përfunduar në Parma.
Ai punoi si trajner i grupmoshave të reja të Parmës në stinorin e kaluar.
