JUVENTUS NË FINALE
Cristiano dështon nga penalltia, por Juve siguron finalen
12 June, 2020 @23:05
Milan nuk ka arritur të shënojë gol, ndërsa Juventus me barazim 0-0 në ndeshjen e kthimit të gjysmëfinales së Kupës së Italisë, ka arritur që t’ia sigurojë vetes biletën për finale të Kupës.
Ndeshja e parë në Milano kishte përfunduar 1-1 dhe rossonerëve i duhej gol për të shpresuar në finale.
Kjo nuk erdhi, ndërsa shpresat u shtuan kur Ante Rebic mori karton të kuq që në minutën e 16 të të ndeshjes, e Cristiano Ronaldo dështoi të shënojë penalltinë.
Gol nuk kishte as në minutat e ardhshme të ndeshjes dhe barazimi 0-0 i konvenoi juventinëve, të cilët kështu vazhdojnë luftën për kurorën e dyfishtë në Itali.
Përndryshe, në bankën rezervë të Juventusit ka qenë sonte i riu Giacomo Vrioni. Futbollisti që është i lindur në Itali dhe që përfaqëson Shqipërinë U21 ka qenë i regjistruar për këtë duel dhe me mundësi inkuadrimi, që kësaj radhe s’erdh nga trajneri Maurizio Sarri.
⚽️ Juventus vs AC Milan: CRISTIANO RONALDO missed penalty and a RED CARD for Rebic! pic.twitter.com/VZaIMknezP
— D9INE FOOTBALL 2020 (@D9INE_NEXUS_F1) June 12, 2020