Cristiano gati për Bayernin!

Ylli portugez i Real Madridit, Cristiano Ronaldo, që vuan për shkak të një lëndimi të lehtë dhe nuk po rrezikohet nga Carlo Ancelotti, mund të mungojë ndaj Bayern Munchenit në Ligë të Kampionëve - përkundër se shërimi po shkon në mënyrë më të mirë.

“Jam më mirë, shumë më mirë. Më nuk po ndiej dhimbje. Do të shohim nëse do të arrijë të jem i gatshëm, unë dua të rikthehem sa më shpejt të jetë e mundur,” ka thënë portugezi për Televizionin kombëtar TVE pas finales së mbrëmshme, raportojnë mediat spanjolle sot. 

Real Madrid është duke synuar të fitojë të tre trofetë e mundshëm këtë stinor. Ata mbrëmë e fituan të parën  dhe pengesa Bayern Munchen është ajo që do t’i delë në Ligë të Kampionëve. 

Cristiano Ronaldo planifikon të kthehet në ndeshjen e dytë ndërmjet Real Madrid dhe Bayen Munchen, që luhet më 29 prill në Allianz Arena. 

Fituesi i kësaj përballjeje do të takohet me fituesin e përballjes Chelsea - Atletico Madrid në finale të Ligës së Kampionëve më 24 maj në Lisbonë të Portugalisë.