Macet e zeza ndalin Cityn

Manchester City ka humbur dy pikë të rëndësishme në garë për titull të kampionit. Ata sonte me një fjalë kanë shpëtuar një pikë, në ndeshjen që ishin duke e humbur nga Sunderland, që po lufton për mbijetesë. 

Përkundër se e morrën epërsinë që në fillim të takimit në saje të brazilianit Fernandinho, ‘qytetarët’ e panë veten në disavantazh kur pranuan dy gola në periudhën prej minutës 73 deri në 83. 

Ishte sulmuesi Connor Wickham i Sunderlandit që shënoi dy herë për ekipin luftarak të Gustavo Poyetit, që i dha goditjen Cityt. 

Sidoqoftë, pas një gabimi të portierit Vitto Mannone, Samir Nasri arriti të barazojë rezultatin një minutë para fundit të takimit, por në luftë për titull - tashmë Liverpooli pritet ta thotë fjalën kryesore. 

Rezultatet dhe tabela aktuale.