Curri: Kundërshtari i fortë, por nuk dorëzohemi

Pas shortit për faqen zyrtare të Prishtinës foli edhe Debatik Curri, një nga lojtarët më me përvojë të Prishtinës sa i përket garave evropiane.

“Është ekipi më i fortë që na ka ra. Është një ekip shumë i fortë, i cili e ka vendin e dytë/tretë në kampionatin suedez, por do të përgatitemi sa më mirë që të përfaqësojmë sa më mirë Prishtinën, Kosovën, dhe besoj se nuk do të dorëzohemi para kohë. Është hera e parë që marrim pjesë dhe e vështirë për disa lojtarë. Për disa që kemi luajtur edhe më herët më skuadra edhe më të forta është pak më e lehtë, por në përgjithësi do të përgatitemi, do të fillojmë nga sot të përgatitemi për pikat e forta dhe të dobëta të asaj ekipe dhe trajneri do ta përgatitë në mënyrën më të mirë për të ndeshjen.” - deklaroi Curri.