GRUPI E: DANIMARKA - POLONIA
Danimarka deklason Poloninë, ‘komplikon’ grupin
1 September, 2017 @22:46
Një super Danimarkë është shfaqur sonte në Kopenhagë!
Skuadra e drejtuar nga norvegjezi Hareide e ka deklasur me rezultat 4-0 Poloninë, liderin e Grupit E, duke i rritur dukshëm gjasat për kualifikim, me tabelën e grupit që tashmë është ‘komplikuar’.
Humbja e sontme ka bërë që Polonia të jetë vetëm 3 pikë para Malit të Zi dhe Danimarkës, të cilat kanë nga 13 pikë secila dhe gjenden seriozisht në garë për vendin e parë që dërgon direkt në Botëror.
Kjo ishte ndeshja e 7 e zhvilluar në kuadër të grupeve kualifikuese, derisa 3 xhirot e fundit pritet të jenë tejet interesante.
