De Biasi arsyeton ftesën e Veselit

Përzgjedhësi italian i Shqipërisë, Gianni De Biasi, në konferencën e sotme për shtyp para miqësores së nesërme ndaj Ukrainës ka treguar ndër të tjera edhe arsyet e ftesës për Frederik Veselin, që ishte befasia më e madhe te përzgjedhja e tij në 23-shen përfundimtare.

“Veselin nuk kemi pasur mundësi ta grumbullonim më parë dhe për arsye burokratike. Ai është një lojtar që e kemi ndjekur qe sa kohë. Besoj se për nga karakteristikat që ka është një lojtar shumë i rëndësishëm për të tashmen dhe të ardhmen e kombëtares,” ka thënë fillmisht De Biasi për të vazhduar.

“Zgjedhjet janë bërë në bazë të kondicionit aktual të çdo lojtari. Për këtë arsyet kam qenë i detyruar të bëj zgjedhje të dhimbshme dhe të vështira, që ndonjëherë mund të duken të pakuptueshme,” ka shpjeguar ai.