PAS NDESHJES
De Biasi: Në portë nuk gjuajtëm as ne, as ata
9 October, 2016 @23:02
Pas humbjes ndaj Spanjës, para mediave foli Gianni De Biasi.
“Nuk gjuajtëm ne në portë? As ata nuk gjuajtën shumë në portë. Në pjesën e parë kemi bërë një ndeshje të mirë. U ndëshkuam nga gabimi.
Ata kanë një skuadër që ka shumë cilësi në mbajtjen e topit, nuk është e lehtë t’i barazosh. Ndërsa nëse kanë hapësira, ata menjëherë godasin.
Në futboll duhet të luash me shpejtësi. E kemi bërë më mirë punën në pjesën e dytë, por goli i pësuar na hoqi përgjegjësinë dhe u munduam të bënim diçka ndryshe. Të luash një ndeshje ndaj një skuadre të tillë nuk është e lehtë, e keqja është se e pësuam ne golin dhe pastaj gjërat nuk ishin mirë për ne.
Mund të bënim më shumë, por mendoj se u paraqitëm mirë në pjesën e parë, thuajse nuk i lamë asgjë kundërshtarit.” - ishin fjalët e italianit.
