De Boer përshëndetet me lojtarët

Pas formës së dobët që po e shfaq Interi tash e sa javë, kryesia e klubit zikaltër është pranë shkarkimit të trajnerit holandez Frank De Boer.

De Boer erdhi në krye të Interit shumë pak ditë pa filluar sezoni i ri, ndërsa mediat italine sot raportojnë që shkarkimi i tij është çështje orësh dhe lajmi zyrtar i shkarkimit të tij do të konfirmohet brenda ditës.

Për më tepër, burime nga kampi zikaltër tregojnë që De Boer veçse është përshëndetur me lojtarët.

Stërvitja dhe ndeshjet e Interit deri në zgjedhjen e trajnerit të ri do të mbahen nga Stefano Vecchi, momentalisht trajner i të rinjve të Interit, ndërsa emri më i përfolur për t’u emëruar trajner i ri i neroazzurëve është Stefano Pioli.