Dënohet nga Federata

Trajneri i Manchester Unitedit, David Moyes, i cili javëve të fundit po kritikon me të madhe referët, si arsyer kryesore e humbjeve të ekipit të tij, është dënuar nga Federata angleze e futbollit. 

Ai është dënuar me 8 mijë funta për shkak të vënies në pyetje të kredibilitetit të referit në humbjen nga Sunderland në League Cup. 

“Moyes mund të ankohet deri më 15 janar 2014 në ora 18:00, në lidhje me vendimin e Federatës,” ka shkruar faqja e Federatës sot. 

Manchester United është në krizë të rezultateve dhe është larg katërshes kryesuese në Premier League, derisa është eliminuar nga FA Cup dhe ka humbur ndeshjen e parë gjysmëfinale të League Cup nga Sunderland.