SKENDERAJ
Derbi drenicak, i Drenicës
14 October, 2014 @17:26
Derbi drenicak, i zhvilluar në stadiumin Bajram Aliu të Skenderajit ndërmjet Ferronikelit dhe Drenicës, përfundoi me fitoren e kësaj të fundit.
Ekipi i Drenicës shënoi fitoren e dytë rresht me rezultat të njëjtë, 2-0, pas asaj të javës së kaluar ndaj Prishtinës.
Fitoren skuadrës kuqezi ia siguruan Labinot Jetullahu dhe Kreshnik Lushtaku, të cilët ishin golashënuesit të fitores shumë të rëndësishme të Drenicës.
Me këtë rezultat, Drenica arrin në 13 pikë dhe renditet përkohësisht e shtata, kurse Ferronikeli mbetet me 16 pikë.
Rezultatet dhe tabela aktuale.
FAKT:
| Kjo është disfata e parë e Ferronikelit, që prej javës së parë të stinorit kur u patën mposhtur nga Hajvalia. | Ferronikeli ka pasur seri prej 8 xhirosh pa humbje. |
