UNITED - LIVERPOOL
Derbi i lëndimeve, pa gola
24 February, 2019 @17:10
Pa gola ka përfunduar derbi më i madh anglez mes Manchester Unitedit dhe Liverpoolit në ‘Old Trafford’.
Skuadrat në fjalë zhvilluan një ndeshje tejet të fortë fizikisht, mirëpo rastet për gol munguan dhe skuadrat u detyruan të pajtohen me nga një pikë.
Për t’u veçuar nga ky derbi ishte numri jo i zakonshëm i lëndimeve të lojtarëve. Në pjesën e parë United u detyrua t’i bëjë 3 zëvendësime, pasi që Herrera, Mata e Lingard u detyruan ta lëshojnë ndeshjen për shkak të lëndimeve, ndërsa në anën tjetër për shkak të lëndimit u largua nga loja Roberto Firmino.
Nga banka rezervë për Liverpoolin u inkuadrua Xherdan Shaqiri, i cili përveç një kartoni të verdhë të marrë, nuk dha ndonjë impakt për skuadrën e tij.
Me këtë pikë, Liverpooli i prin tabelës me 1 pikë më shumë se City, kurse United mbetet jashtë top katërshes, pasi që Arsenali sot e fitoi me rezultat 2-0 ndeshjen e vet ndaj Southamptonit në Londër.
