SOT: PARTIZANI-SKENDERBEU
Derbi i Superiores, sot
27 November, 2017 @9:43
Përballja e fundit e xhiros së 12 të Kategorisë Superiore zhvillohet sot prej orës 17:00 kur takohen Partizani dhe Skënderbeu.
Dy skuadrat që deri në frymën e fundit stinorin e kaluar luftuan për titull, ndërsa në fund fitoi Kukësi, kësaj radhe janë në pozita të kundërta, por rivalitet e bën të veten.
Skënderbeu është lider dhe ende nuk ka pësuar humbje, derisa do të jetë mysafir i Partizanit në Tiranë, me Kristi Vangjelin si mungesë kryesore.
Në anën tjetër, Partizani vjen i motivuar në këtë ndeshje me trajnerin e ri Sulejman Starova, që zëvendësoi Mark Iulianon e larguar. Demat e Tiranës në përballjen e fundit kanë dalë triumfues ndaj kampionit, Kukësi, në Zeqir Ymeri dhe gjithçka në pasditen e sotme, përveç fitores për ta do të ishte zhgënjim.
