Derbi i Tetovës, i takon Shkëndijës

Derbi lokal në Maqedoni ndërmjet dy skuadrave shqiptare, Shkëndija dhe Renova, përfundoi me fitoren e skuadrës kuqezi, Shkëndija.

Kjo ishte ndeshja e parë për Shkënijën në stadiumin e qytetit në Tetovë pas gati një viti, për shkak të punimeve për renovim të stadiumit.

E ky fakt bëri që edhe interesimi për këtë ndeshje të jetë i madh, duke u mbushur shkallët e stadiumit nga tifozët tetovar, ndërsa vlen të ceket se ndeshja u ndërpre në minutën 70’ për një kohë të shkurtë, për shkak të fishekzjarrëve dhe rekuizitave të hedhura në fushë nga tifozët e Shkënijës, Ballistët.

Golat e fitores për Shkëndijën i shënuan Besart Ibraimi nga penalltia, Marjan Radeski dhe Shpend Asani, derisa Renova u kundërpërgjigj me golin e Lavdrim Skenderit.

Vlera e këtyre tre pikëve u shtua edhe më shumë për Shkëndijën, pasi kuqezinjtë bënë një tjetër hap para në luftë për titull, duke i’u afruar në -2 pikë liderit, Vardarit, i cili pas humbjes së kësaj jave ndaj Sileksit, mbeti në 64 pikë.

TABELA AKTUALE