XHIROJA XIII

BOROZANI/Erdis Driza

Derbi në Merdarë sot, lideri pret nënkampionen

29 October, 2013 @9:36

Ndeshja e sotme ndërmjet Hysit dhe Ferizajit që zhvillohet në Merdare do të jetë derbi i xhiros së XIII të Superligës së Kosovës në futboll, pasi që takohen i dyti dhe i treti në renditje.

Hysi, që në pesë xhirot e fundit është në një rënie të dukshme të formës, pasi që ka shënuar vetëm një fitore, do ta pret sot Ferizajin e Bylbyl Sokolit - që për të kundërtën është në formë jetësore dhe nuk po fal askë.

Ferizaji në pesë xhirot e fundit ka vetëm një barazim ndaj Ferronikelit si vendas, derisa të gjitha ndeshjet tjera brenda e jashtë i ka fituar, përfshirë këtu edhe kundërshtarë si Prishtina e Trepça’89 - që janë kampionë dhe nënkampionë aktual të Kosovës në futboll.

Kjo do të jetë ndeshja e vetme për sot, derisa nesër luhen katër takime e pasnesër Prishtina pret në stadiumin e Qytetit Ferronikelin, që është ngujuar në fund të tabelës.

Nesër lideri i Superligës, Llamkos Kosova pret në shtëpi ekipin e Trepçës’89.

Tabela aktuale, para xhiros XIII

SUPERLIGA, XHIROJA XIII, Orari:

14:00 Sot	Hysi-Ferizaji	Gjyqtarë: K.Vula, F.Jakupi, B.Këpuska, B.Kosumi;
14:00 Nesër	Drita-Fushë Kosova	Gjyqtarë: A.Tahiri, J.Musolli, R.Hyseni, B.Fejzullahu;
14:00 Nesër	Llamkos Kosova-Trepça'89	Gjyqtarë: H.Hajdari, B.Selimaj, M.Qehaja, I.Shuleta;
14:00 Nesër	Hajvalia-Besa	Gjyqtarë: M.Baliu, F.Abrashi, I.Kabashi, G.Nuza;
14:00 Nesër	Trepça-Drenica	Gjyqtarë: T.Maloku, A.Ejupi, Artan Latifi, I.Kelmendi;
14:00 Pasnesër	Prishtina-Ferronikeli	Gjyqtarë: F.Tahiri, D.Preniqi, E.Zeqiri, S.Isufi;