Derisa na lejon matematika, ne besojmë

Fadil Ademi debutoi me humbje në rikthim te Ulpiana të shtunën ndaj Dritës, pas largimit të trajnerit të deritashëm të ekipit Edlir Tetova.

Përkundër humbjes së dhimbshme, ai ka bërë të ditur se derisa të ekzistojnë mundësitë, ekipi që po e drejton ai nuk do të dorëzohet në luftë për mbijetesë.

“Nuk është ndjenjë e mirë kur lufton për ekzistencë dhe humb pikë në shtëpi. Nuk jemi duke kaluar kohë të mirë, pasi që kemi një fitore në këtë fazë. Por, ne besojmë deri sa të na lejojë matematika. Vazhdojmë të besojmë se ka dritë në fund të tunelit,” ka thënë Ademi pas disfatës 2-3 nga Drita.