Disiplinorja kërkon deklaratë shtesë nga Drita e Gjilani

Pas inicimit të procedurës disiplinore nga Komisari i Garave të Superligës lidhur me incidentet dhe parregullësitë e shkaktuara në derbi mes Dritës e Gjilanit, Komisioni Disiplinor i shkallës së parë të Superligës ka marrë Vendim që të kërkojë deklarata shtesë nga skuadrat lidhur me to.

Kështu, sjellim pandërhyrje tekstin e lëshuar nga kryetari i Komisionit Disiplinor, Metë Çeku, shkalla e parë.

Për Dritën:

FC ”Drita” : Lëshim në organizimin e ndeshjes Drita – Gjilani. Në minutat 1 dhe 2 tifozët e FC ”Drita” kanë hedhur mjete piroteknike në tribunën lindore si dhe më vonë kanë hedhur mjete piroteknike tymosëse. Gjatë pauzës në meslojë, tifozët mysafirë të SC”Gjilani ”, provokojnë ata të FC ”Drita”, të cilët pastaj vërsulen drejt njeri tjetrit, ku pastaj fillon përleshja me shufra metali, me ulëse plastike (ishin prapa portave) dhe grushta, për çka pjesa e dytë e ndeshjes filloi me 15 minuta vonesë , derisa tifozeritë e të dy ekipeve ishin qetësuar. Në minutat 51, 58 dhe 59 u hodhën mjete piroteknike në tribunën lindore nga ana e tifozve vendas. Pas shënimit të golit në min.66, tifozët e SC ”Gjilani” u futen në terren për të festuar golin me lojtarët mysafirë. Në min.75, tifozët e FC”Drita” hudhin disa shishe PVC (të mbushura me ujë) në fushë. Në tribunën lindore ku ishte tifozeria e FC ”Drita”, janë shkaktuar dëme materiale: disa ulëse të thyera, rrethoja e dëmtuar, në toalete disa plaka të çeramikës të thyera si dhe është dëmtuar dera e zhveshtores ku ishin të vendosur FC ”Drita”. Sipas raportit të delegatit të ndeshjes Drita- Gjilani , personit për siguri të FFK-së si dhe xhirimit televiziv. Bazuar në nenin 32 paragrafi 1 të Rregullores disiplinore, kërkohet deklaratë shtesë nga përfaqësuesi për siguri i FC ”Drita”. Afati datë 01.10.2021 ora 13:00.

Për Gjilanin:

SC”Gjilani”: Tifozët e SC”Gjilani” provokuan ata të FC ”Drita”, si pasojë u vërsulen ndaj njëra tjetrës duke u përleshur me shufra metalike, ulëse plastike (ishin prapa porte) dhe grushtime. Me këtë rast janë shkaktuar edhe dëme të konsiderueshme materiale në infrastrukturën e stadiumit ”FADIL VOKRRI”. Para fillimit të pjesës së dytë tifozët e SC ”Gjilani” ndezin mjete piroteknike tymuese, si dhe dëmtojnë disa karrige në tribunën veriore të stadiumit, ku ishin të vendosur tifozët e SC Gjilani. Në min. 66, pas shenimit të golit të parë, tifozët mysafir hynë brenda vijave kufizuese për të festuar golin me lojtarët e SC-Gjilani. Sipas raportit të delegatit të ndeshjes Drita- Gjilani , personit për siguri të FFK-së si dhe xhirimit televiziv. Bazuar në nenin 32 paragrafi 1 të Rregullores disiplinore, kërkohet deklaratë shtesë nga përfaqësuesi për siguri i SC ”Gjilani” . Afati datë 01.10.2021 ora 13:00.