Do ta sulmojmë Juven!

Valon Behrami ka qenë mysafir i Radio Napolit, para derbit të madh të së premtes ndërmjet Napolit dhe Juventusit. 

“Tifozët do të na japin shtytje, kjo është e sigurtë. Kemi gjashtë pikë dallim me ata dhe kjo ndeshje do të përcaktojë shumë gjëra,” ka thënë Behrami gjatë bisedës në radio. 

Mesfushori 27 vjeçar, ka komentuar gjithashtu edhe për mendimin e legjendës së klubit Diego Maradona. 

“Maradona ka të drejtë, në duhet të sulmojmë Juventusin. Ai është simbol i Napolit dhe fjalët e tij janë të rëndësishme për klubin, ndërsa është ndjenjë e veçantë që ai do të jetë tifoz i ynë në ndeshje,” ka shtuar Behrami. 

Ndërsa në fund ai është pyetur nga udhëheqësi i emisionit se a do të shënojë gol në derbi ndaj Juventusit. 

“Jam i gatshëm për betejën. A do të shënojë? Do të duhej të bëhet mrekulli! Unë vetëm do të kërkojë nga tifozët që të mos e harrojnë këtë Napoli që po punon shumë dhe mos të zhgënjehen pas dy-tre rezultatave jo pozitive,” ka thënë mesfushori i Napolit, Behrami. 

Ndeshja derbi e xhiros së radhës së Serie A-së ndërmjet të dytit, Napoli dhe të parit, Juventus, luhet të premten (nesër) me fillim prej orës 20:45.

SERIE A, NESËR:

Ora 20:45 Stadiumi, San Paolo

Napoli - Juventus

SERIE A, TOP 3

1	Juventus	58 pikë
2	Napoli	52 pikë
3	Lazio	47 pikë

SERIE A, TOP 3 GOLASHËNUESIT

1	Edinson Cavani	Napoli	18 gola
2	Stephan El Shaarawy	Milan	16 gola
3	Antonio Di Natale	Udinese	14 gola