GRUPI F
REUTERS
Dortmundi rrëzon Arsenalin nga froni
11 December, 2013 @22:57
Borussia Dortmund ka qënë ekipi i natës në Ligën e Kampionëve sonte. Derisa ia nisën ndeshjes në vendin e dytë të tabelës së Grupit F, me pikë të njejta si Napoli i treti dhe tre më pak se Arsenali lider, në fund ata përfunduan si liderë të grupit.
Goli i Kevin Grosskreutzit në minutën e 87-të të ndeshjes jo vetëm që i dha fitoren 1-2 Dortmundit ndaj Marseilleit të eliminuar, por me humbjen e Arsenalit nga Napoli, i bëri ata lider.
Kështu Napoli që shpresonte në një mosfitore të gjermanëve mbetet në rrugë për Europa League, derisa Dortmund dhe Arsenal kualifikohen më tutje.
Napoli mposhti Arsenalin me golat e ish madrilenëve, Gonzalo Higuain dhe Jose Maria Callejon 2-0.
TABELA PËRFUNDIMTARE, Grupi F:
| 1 | Borussia Dortmund | 12 pikë | Kualifikohet në TOP 16 | |
| 2 | Arsenal | 12 pikë | Kualifikohet në TOP 16 | |
| 3 | Napoli | 12 pikë | Kualifikohet në Europa League | |
| 4 | Olympique Marseille | 0 pikë | Eliminohet nga garat europiane |
