Dortmundi, si në ëndërr!

Dortmundi ka shënuar fitore me rezultat 3-2 ndaj Malagas për t’u kualifikuar në gjysmëfinale të Ligës së Kampionëve, pasi ndeshja e parë në Spanjë kishte përfunduar me rezultat 0-0.

Rreth 80 mijë shikues në stadiumin e flaktë të Signal Iduna Park, mbetën  të heshtur kur Joaquin (25’) shënoi për rezultatin 0-1 të Malagas.

Robert Lewandoski në minutën 40’ barazoi në 1-1, duke bërë kështu që skuadrat të shkojnë në zhveshtore me rezultat të barabartë.

Tifozët vendas mbetën të heshtur edhe një herë në minutën 82’ kur Eliseu shënoi për 1-2, ndërsa për kualifikim Dortmundit i nevojiteshin dy gola, gjë  që parashihej si një mrekulli në ato çaste.

Megjithatë mrekulli ndodhi dhe me dy gola në minutat shtesë me anë të Marco Reusit (90’+1) dhe të Felipe Santanas (90’+3), Dortmund e shënoi emrin e saj në gjysmëfinale duke e eliminuar Malagan.