Dren Gashi realizon, Ferizaji feston në Suharekë

Në takimin e zhvilluar në Suharekë mes Ballkanit dhe Ferizajit, triumfoi skuadra mysafire falë një goli të shënuar në pjesën e dytë.

Pjesa e parë e ndeshjes ishte shumë e qetë, me të dyja skuadrat që tregonin lojë mjaft të dobët dhe aspak atraktive, e kjo rezultoi që skuadrat të shkonin në pushim me portat e paprekura.

TABELA AKTUALE

E në pjesën e dytë, pas kartonit të kuq të Gentian Elezajt të Ballkanit në minutën e 53’, ferizajasit u treguan më kërkues dhe e gjetën golin e fitores. Ishte Dren Gashi ai që shënoi pas një gabimi të mbrojtjes vendase, për t’ia dhënë kështu 3 pikë shumë të rëndësishme skuadrës së Afrim Tovërlanit.

Pas 90 minutave lojë në Suharekë, Ballkani 0, Ferizaji 1, rezultat ky i cili bën që Ferizaji ta shënojë fitoren e dytë me radhë në Superligë.