SKENDERAJ
Drenica s’gabon ndaj Ferizajit
27 May, 2015 @18:37
Pas pesë ndeshjeve pa fitore, skuadra e Drenicës ka arritur ta gjejë rrugën e triumfit.
Kuqezinjtë nga Skenderaji kanë shënuar fitore me rezultat 2-0 ndaj Ferizajit, i cili veçse i ka humbur javë më parë gjasat për të mbijetuar në Superligë.
Tifozët e pranishëm në stadiumin Bajram Aliu filluan të festojnë në minutën 33’ të ndeshjes, kur i riu Kastriot Mehmeti e kaloi në epërsi ekipin vendas, derisa në pjesën e dytë erdhi edhe goli i dytë i Drenicës, që u shënua nga Fetah Ibrahimi.
Kjo fitore e mban Drenicën në pozitën e tetë me 38 pikë, shumë pranë zonës së Play Outit, kurse Ferizaji mbetet e parafundit me vetëm 18 pikë.
Rezultatet dhe tabela aktuale.
