Drita ia mohon fitoren Prishtinës

Prishtina ka mbetur edhe më larg nga mbrojtja e titullit. Ata kanë barazuar sot në Gjilan dhe tashmë janë 9 pikë larg vushtrriasve lider. 

Prishtina avancoi në fillim të pjesës së dytë, kur shënoi i ardhuri nga Ferizaji në miniafatin kalimtar dimëror, Shkëmbim Salihu. 

Por gjilanasit nuk janë dorëzuar asnjëherë dhe pas shtyllës së goditur nga Mentor Zhdrella në minutat e fundit të ndeshjes, thuajse në akcionin e fundit ka shënuar Blendim Gashi për të barazuar shifrat 1-1, ku dy skuadrat ndanë nga një pikë. 

Rezultatet dhe tabela aktuale.