VAN GAAL
Duam titullin!
26 December, 2014 @9:53
Sot nis Boxing Day në Premier League, ku nisin ndeshjet e Vitit të Ri, derisa tre xhiro luhen brenda 7 ditëve për t’ia nxjerrë ‘lëngun’ futbollit.
Xhirot në vijim si duket i japin shpresë shumë trajnerit holandez të Manchester Unitedit, Louis Van Gaal, që ka thënë se ekipi i tij luan për titullin kampion, përkundër se është 10 pikë pas liderit Chelsea.
“Në çdo vend ka kampionë të Kërshëndellave, mirëpo kjo nuk llogaritet në maj,” është cituar të ketë thënë fillimisht Van Gaal, transmenton Goal.com sot.
Përkundër se Bordi i ekipit ka kërkuar vetëm kthim në Ligë të Kampionëve, që do të thotë njërën nga pozitat 1 deri 4, holandezi e dëshiron tani titullin.
Gjendja aktuale në tabelë të klasifikimit
“Unë me ekipin tim dëshirojmë që të tejkalojmë pritshmërit e drejtuesve. Nuk do të jetë lehtë, por ne dëshirojmë të përfundojmë stinorin në vendin e parë të tabelës,” ka theksuar Van Gaal.
Manchester United sot pret Newcastle Unitedin në Old Trafford, pas dy ditësh udhëton në Londër për tu përballur me Tottenham Hotspurin dhe prej aty viziton Stoke Cityn më 1 janar.
